Balkani nadigrao Dinamo, kapiten Kuč predvodio svoj tim do velikog uspjeha

Fudbaleri Balkanija savladali su Dinamo 2:0 u Prištini, u drugom kolu Lige konferencija. Pobjedu Balkaniju su donijeli Krejmziju i Hamidi. Crnogorski internacionalac Edvin Kuč bio je na terenu svih 90 minuta. Ovacije prepunog stadiona "Fadil Vokri" u Prištini za Kuča i saigrače za največu pobjedu u klupskoj istoriji protiv jedne od najboljih ekipa iz regiona zagrebačkog Dinama.

Hrvatski mediji su jasni – Dinamo Zagreb je doživio jedno od najvećih poniženja. Na tabeli Grupe C vodi Viktorija iz Plzenja sa svih šest bodova, Dinamo i Balkani imaju po tri boda, dok je Astana bez bodova.